EdTech Hackathon
Прывітанне, Сябры!
Вось і настаў час арганізавацьТрэці EdTech Hackathon. 18-19 сакавіка, каворкінг бізнэс-цэнтра Кампус (campus.by, Мінск, вул. Я.Коласа, 73).
Трэці хакатон пройдзе ў скарочаным фармаце, каб да нас маглі патрапіць удзельнікі з розных куткоў краіны. Мы будзем працаваць два дні. Пачнем раніцою ў суботу і скончым фінальнымі прэзентацыямі ў нядзелю ўвечары. Мы не будзем працаваць ноччу ў каворкінгу.
Мы шукаем матываваных удзельнікаў, гатовых ствараць і распрацоўваць свае ўласныя edtech прадукты. На хакатоне няма намінацый, грашовых падарункаў.
Вы будзеце забяспечаны месцам для працы вашай каманды ў самым новым і інавацыйным каворкінгу Беларусі. У пастаяным доступе для вас будзе вада, гарбата і кава. Арганізатары прадугледжваюць для вас піццу і закускі пад час Хакатона.
Рэгістрацыя на Хакатон працягваецца да 10.03.2023. Пазнейшыя рэгістрацыі будуць разгледжаны ў выпадку наяўнасці месцаў. Адабраныя ўдзельнікі будуць запрошаны праз e-mail - edtechbelarus@gmail.com (правярайце СПАМ).
Да хуткай сустрэчы!
Удзел у Хакатоне бясплатны!
Увага! Колькасць месцаў абмежавана! Запаўненне дадзенай формы не гарантуе ваш удзел. Да ўдзелу ў Хакатоне будуць запрошаны найбольш матываваныя ўдзельнікі.
| Рэгістрацыя на хакатон |
Галоўная мэта EdTech Hackathon - сабраць разам адукатараў, прадпрымальнікаў, праграмістаў і спецыялістаў іншых профіляў для хуткага і эфектыўнага стварэння новых рашэнняў у адукацыі; развіцця і маштабавання існуючых праектаў.
Ніжэй мы падрыхтавалі для вас 5 накірункаў, у якіх можна ўжо зараз пачаць развіваць свой edtech стартап.
Гэта толькі 5 накірункаў, у якіх могуць паспяхова развівацца edtech стартапы, насамрэч існуе бясконцае мноства магчымасцей для стварэння і развіцця ўласнага адукацыйнага праекту.
Абмен досведамРаспрацоўка платформ, праграм і цэлых экасістэм для абмену досведам паміж дасведчымі і пачынаючымі спецыялістамі розных профіляў - заўсёды актуальная ідэя, якая прасоўвае важнасць абмену ведамі, досведам і атрымання зваротнай сувязі на ўсіх ступенях навучання.
Тэхналогіі для навучанняАдукацыя даўно выйшла па-за межы школ і ўніверсітэтаў. Людзі хочуць вучыцца новаму зручна, хутка і цікава. У гэтым могуць дапамагчы праграмы для эфектыўнага засваення агульнаадукацыйных і прафесійных ведаў, якія робяць працэс навучання больш інтэрактыўным і пераўтвараюць яго ў гульню. Бізнес асабліва зацікаўлены ў развіцці адукацыйных тэхналогій для навучання і прафесійнага развіцця сваіх супрацоўнікаў.
Тэхналогіі для адсочвання эмацыянальнага стану навучэнцаўПлатформы і праграмы, якія б дапамагалі адукатарам вырашаць пытанні эмацыянальнага стану слухачоў у рэжыме рэальнага часу, ці атрымаць кансультацыю па складаных пытаннях групавой дынамікі і вырашэння канфліктаў ад спецыялістаў.
Праграмы для арганізацыі адукацыйнага працэсуУсе ўдзельнікі адукацыйнага працэсу сутыкаюцца з масай цяжкасцей у імкненні эфектыўна арганізаваць навучанне і сумясціць адукацыю з іншымі сферамі жыцця. Праграмы для планавання адукацыйных актыўнасцей, складання планаў сэсій, пошуку рэсурсаў, магчымасцей і дапамогі здольны сэканоміць час і значна спрасціць працэс арганізацыі адукацыйнага працэсу.
Тэхналогіі для пошуку адукацыйных рэсурсаўСёння кожны з нас знаходзіцца ў стане перагрузкі інфармацыяй. Пошук якаснай інфармацыі і адукацыйных рэсурсаў патрабуе ўсё больш часу і намаганняў. Тэхналогіі агрэгацыі, падбору і ацэнкі адукацыйных рэсурсаў і магчымасцей здольны вырашыць гэту праблему.
старонцы ў Facebook.
